بيت الأدباء والشعراء

يا مسري نبينا

يا مَسرىَ نَبينا

=============

يا قدس يَا مسرَىَ نبينا

أغلى شىء فى الدنيا لينا

ساكنه جوانا وعَايشه فِينا

نعمه بيها ربنا أنعم علينا

إنت أكبرحلم شاغلنا و مالينا

واللى يوم حنحققه بَس بإيدينا

بالتراب التبر حنكحل عنينا

نحضن الأقصى اللى بينادينا

ياام البطوله تاج على جبينك

نبض الشهامه فى شرايينك

إحنا كمان منك وعارفينك

كل التاريخ أنتى ودارسينك

مهما يحاولوا يدنسوا أرضك

وبكل خسه يهتكوا عرضك

ويزيد سواد ليلك و مرضك

متخافيش مهما تكون الأهوال

و تزيد على كتفك تِقَال الاحمال

من زرع أرضك فيه كتير أبطال

على مدار الزمن أجيال ورا أجيال

حيحرروا ترابك ويحطموا الأغلال

ويرجعوا نهارك ويحققوا الآمال

ويكملوا مجدك اللى ما بين أطلال

ويعلا صوت الفرح والغنوه والموال

===============

( محمـد عنانى )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: