بيت الأدباء والشعراء

الي حبييتي

……….إلى حبيبتي…………….
مهما تغيبي عن عيني
………روحك جوه القلب سكناني
لا بتفكر في الرحيل
……..عني ولا بتفكرلحظة تنساني
ومهما تغيبي تقربك مني
…………وتسمعني كلام له معاني
وهمسها لروحي يأكدلي
…………… بإنك لازم ترجعي تاني
وإحساسها دايما يعاودني
…….ويحلف بإنك في البعد بتعاني
وقلبي يرد من الأشواق بأنينه
…….تعالي قبل ضياع عمرنا الفاني
وخدي مكان النبض من
………قلبي وحوليه لأنغام و أغاني
تحكي قصة حبنا الحلوة
…………..بعزف من قلبي وألحاني
تغنيها الدنيا بأكملها لأنها
……..من نبض إحساسي ووجداني
وتكوني إنت ياروح الروح
………..أجمل وردة طافت ببستاني
وإيدي فى إيدك بنتمشى
……وأخر اليوم أخدك في أحضاني
أحس بلذة الدنيا بعد
……. حنان حضنك الراقي ما دفاني
وكأني بعد موتي سنين
………..رب الكون من فضله أحياني
وبأجمل ما رأت عيني إنت
.. …… رضي عني ورزقني وأعطاني
فيارب لك ألف حمد وشكر على
منحتك إللى محت كل آلامي أحزاني
و معاها دنيتي جنة وحبها
……..عن كل شيئ في الكون أغناني
……………بقلم الشاعر………………
………….محمد جمال فايد…………
……….جمهورية مصر العربية……..
…كفر شبرا زنجي الباجور منوفية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق