بيت الأدباء والشعراء

بالشقلوب.. .كلمات عادل داود..

بالشقلوب.. .كلمات عادل داود..
غريبه الدنيا غريبه واحوالها عجيبه. ماشيه… بالشقلوب
قليل الاصل. بيعلي ويعلي.. والعالم. فيها بيشيل.. طوب
الباطل فيها حق والحق باطل وفيها شياطين مش بتوب
وقلبوا المثل تمشي عدل عدوك.. يأذيك. من غير ..ذنوب
بالشقلوب..
وتروح الأموال. لعيال. عاملين ابطال. والحال.. هو الحال
اصل الغباء احوال. ولو نطق الحجر لقال خابت كل الأمال
اللي.بيغنولنا غنوا علينا واعمي.اللي.مابيشوف.من الغربال
كشري لبن تمر هندي وقول ياشيخنا. كله حلال. في حلال
بالشقلوب.
والجهل شايف دلاله. حرم حلاله. همبكه. ودربكه.. ويجوز
ناس. ده اسمهم. صنعوا من الهيافه نجوم.وعملوا……كنوز
الله يرحم زمن العباقره.كان فيه الجمال. للناس…. مفروز
بين السما والارض.مسافات زي اي صوت وصوت… فيروز
بالشقلوب..
الارض بتدور. مستكه وشويه بخور وكله ياصاحبي.. تمام
ومنين يودي علي فين.يانور العين وهو الكام يامعلم بكام
،ياعقل بلاش تتجنن.اسكت ونام.وانا جيبلك.رجلين حمام
خليني ساكت.بعقل باهت. من زمن. دفن فينا كل الأحلام
…..كلمات.. عادل داود عسكر…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: