بيت الأدباء والشعراء

مش هسمحلك مش هسمح حد يكسر نفسي

مش هسمحلك
مش هسمح حد يكسر نفسي
ولا هسمح يطول يأسي
ولا هعتبره كان موجود
و ياما الدنيا بتنسي
مش هسمح انك تجرحني
تيجي عليه وتكسرني
مش هسمح تضيع حريتي
تشوه صورتي ودمرني
هسيبه يروح بعيد عني
ده فكري انا فيه مسهرني
يغيب ارجع واقول هيعود
يعود الاقيه بيكسرني
حبيبي خلاص انا بايع
ومش هفضل معاك ضايع
ولا هقبل اكون موعود
بعهد عاهدته ومواجع
هسيبك والحنين جواك بيداري
وعاشقك ليلي ونهاري
لكن شايفك طريق مسدود
مبدل جنتي بناري
هسيبك اصلي بشتاقلك
وشايف ذلي بيروقلك
مفيش لسؤالي أي ردود
ولا سكوتك هيشفعلك
مش هسمح حد يكسر نفسي
ولا هسمح يطول يأسي
ولا هعتبره كان موجود
و ياما الدنيا بتنسي
خالد المنصوري/مصر
20/2/2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: