بيت الأدباء والشعراء

ف حشيش ٢١/19/2/20/س من خمسه ولا من سنه

ف حشيش
٢١/19/2/20/س
من خمسه ولا من سنه
============
انا لو كنت غير كده
مكانش حالي بقى كده
عودتهم على اني ديما” هنا
جمبهم هنا
وبقيت عيبهم انا
وبقيت ذنبهم انا
مش من زمان
من سنتان ولا خمسه
ولا سنه
ولسه زي ما انا
بعدت شويه…. حصل
ولسه زي ما انا
ولسه الظن شغال
والحكي من ده ودا
وانا زي ما انا
لا بنطق ولا برد
كأني ما سمعت
كأن بودناي سد
وبدعي والله
مش عليهم
بدعي ليهم
بالستر والفرح والهنا
بدعي ليهم وقول
يارب
ماتكن علينا كن لينا
ماتمكر علينا امكر لينا
أعنا ولا تعن علينا
خلينا لك ذاكرين
خلينا لك شاكرين
ماهما مني ومني انا
المشكله اني بسامح
من قلبي بسامح
وادعيلهم وانا مسامح
بس مش ناسي
أللي حصل من سنتين
ولا من خمسه
ولا من سنه
وان لسه زي ما انا
وبدعي واقول
يامغيث
يامدبر الأمر كريم
دبره كله
وما تسيب حد منهم لظله
ودبر أمرنا كله
ماهو لا انا ولا هما
عرف يدبر امره
حلوه أو مره
والحمدلله
الحلو كله اديتهلهم
بعد ما خدت منه مره
انا لو كنت غير كده
مكانش حالي بقى كده
عودتهم على اني ديما” هنا
جمبهم هنا
وبقيت ذنبهم انا
مش من زمان
من سنتان ولا خمسه
ولا سنه
ولسه زي ما انا
بعدت شويه…. حصل
ولسه زي ما انا
ولسه الظن شغال
والحكي من ده ودا
وانا زي ما انا
لا بنطق ولا برد
كأني ما سمعت
كأن بودناي سد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق