بيت الأدباء والشعراء

سجال ثنائي رائع بالعامية المصرية بين الشاعرة / شادية محمد والشاعر / محمد البنا تحت عنوان ( أقدار )

سجال ثنائي رائع بالعامية المصرية
بين
الشاعرة / شادية محمد
والشاعر / محمد البنا
تحت عنوان ( أقدار )
…………………..
عمري فات
……..
بكيتوني الله يسامحكوا
قلبي كان فاكر
إنهُ مات
والليالي تفوت عليا مش ليالي
والساعات مش ساعات
قلبي جوه الحزن بات
مستخبي
لما شمس عنيكوا غابت عن طريقه
لما شوقه.. داب ف دمعهُ
كنت سامعهُ الليل بيبكي ويناجيكوا
ويناديكوا
لما دمعهُ ف قلبه مات
صحّيتوني الله يسامحكوا
بعد عمري يا كل عمري
مني عمري…مني فات………………………..محمد البنا

ليه بنحكم ع القلوب
دي تعيش و دي تموت
هو إحنا مين عشان
حتى يطلع منا صوت
ده الكلام جوانا ممكن
يتخنق جوه السكوت
طول ما القلب فينا حي
والعروق نابضين بجوفه
يبقي ما نقولش انه مات
نظلمه ونزيد في خوفه
ده اللقا للكون حياة
والهوى لينا النجاة
يبقى ننسى
نقول ده مات
و أما يزيد الحزن فينا
يبقى نصبر من سكات……………………..شادية محمد

قلبي كان جوه منك
مالي كل الكون ده فرح
واما غابت شمس ننك
اتبدل الفرح..جرح
كنتي قاصدة تجرحيني
واللا كان الجرح طرح
عين حسود؟
أو ظروف ؟
واللا كان غصب عنك
لما شق القلب خوف
من حنيني
بكيتيني الله يسامحك
بكيتيني..بكتيني…………………………محمد البنا

عمري في يوم
ما كنت اقصد
اني ابكي في يوم عينيك
ده انت فرح العمر كله
والبكاء ما يليق عليك
ده انت لشمس العمر ضله
وانت سد لأي خوف
انت لكل خوف تحدي
مهما كانت الظروف
بأعتذرلك غصب عني
لو بعد بينا الطريق
مهما طال البعد بينا
لسه فاضل بينا شيء
قول أمل قول وفا
قول إحساس صادق برئ
بالكلام مش قادرة أوصف
انت غالي قد إيه
شوف مكانك جوه قلبي
قلبي دلّك يوم عليه
قول أدب قول غضب
مش مهم ازاي وليه
المهم مفيش كلام
يوصف الاحساس ده ايه………………….شادية محمد

اوصف الاحساس حنين
دفّى قلبي
أوصفه أجمل عينين
آه يارمش..الليل مخبي
ف همسة منه أحلى روح
كل جرح ماعادشي جرح
ياللي همسك شوق وبوح
اوصفك حورية لكن
يوم ما حبت
طبطبت فيا الجروح
كنت فاكر قلبي مات
وأما شمس هواكي طلّت
التقيته من سكات
صحّى نبضه ف انتظارك……………………محمد البنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق