بيت الأدباء والشعراء

شد حيلك يا جدو

ف حشيش

2038

11/9/2019″

(شد حيلك ياجدو)

حكاية واحد صاحبي

============

قالوا الراجل مات

صحبي حبيبي

واه واهات

قلت من بدري اروح

اطبطب علي الحزين

واداوي مجروح

لسه داخل عالشادر

وبقول عيني يامعين ياقادر

حسيت علي كتفي يلمسه

ومن ورايه ورا ودني

همستين ونص همسه

بتقولي شد “حيلك ياجدو”

لفيت لقيتها هي

ياخبر

في الاسمرحلوه زي ماهي

عنيها بتضحك وبتدمع

قلت جميله بنت الايه

اصل امها شاميه

وهي بنت البيه

وراجعت نفسي وقلت

انت بتعمل ايه

دالميت ليه حرمه

وهي حلوه وحرمه

امشي علي طول

اعمل الواجب

لاتحكي معاها ولاتقول

وجينا نصلي الجنازه

لقيتها واقفه بعيد

لابسه اسمر مطفي

بس القوام مصفي

تبصلي وعنيها بتضحك وتدمع

قلت اقرب اواسيها

وابوس جبهتها وراحة ايديها

قلت “اللهم اخزيك ياشيطان”

اعقل ده مش الاولن

ليه تتخيل الاسمر احمر

وتختار الوان

وبدأت اصلي

بس طولت شويه !!!

كتير شويه

الناس خلصت الصلاه بعد شويه

وانا نسيت انها صلاة جنازه

وفضلت اكبركتير وازيد واعيد

نسيت انها صلاة جنازه

وافتكرتها صلاة عيد

وصحيت من النوم ادور عليها

سمعت خبطة باب

فتحت لقيت صتيه قي ايديها

وتضحك وتقول

“حتفطر ياجدو”

اتاري الجنازه حلم كانت

وحمدت ربنا انها حقيقه ماكانت

وفطرت وشربت القهوه

وقالت اقفل الباب ولا اواربه

ياجدوووو

قلتلها الجو برد اقفليه

ولابسه زي الحلم اسمر مطفي

والكهربا قطعت والنور مطفي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: