بيت الأدباء والشعراء

لو حبيتك

لو حبيتك
ما انا حبيتك
هو لسه فيها لو
ويمكن وجايز
ما خلاص وقعت
الفاس فى الرأس
والقلب حبك
ما بين كل الناس
أه حبك وخلاص
لكن ليه ينجرح
وليه ينكوى بنار الغيرة
والشك و الظنون
وتبكى من قسوتك العيون
ليه انا بيك مكتفية بكل الكون
وانت وخد حبى حاجة كده
زى ماتقول شئ على الهامش
وكلمه بحبك تقولها
وقلبي بصدق منك مش مصدقها
وغير مسموح اعترض عليك ولا اناقش
وترجع تقول قلبك ده مجنون
لاء مش مجنون
قلبي حبك اوي
وعليك حباه وجري
اصله على ايدك فتح شباكه
وشاف الشمس ملو العيون
شئ غريب
تحب ولما تحب
يختار قلبك وجعه
واللى عليه دمعك يهون
#جوداء

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق