بيت الأدباء والشعراء
أفتكرك تاني ___________
أفتكرك تاني ___________
صدقيني ما تعبت إلا بعدك يا امه
وعشت افراحي بكل ألم وحداني
ولا قلب يحن من بعد قلبك يا امه
من بعد ما جف حنانك من حناني
خدتي النور والبركه والنعمه
حتي العطش أستعبد بستاني
وحياتي من غيرك بقت ضلمه
ونوررك إطفي جوه كياني
من بعدك وانا حياتي في أزمه
وإتبحترت حروف الأماني
وعمري كله مالووش اي لزمه
والمراره طفحت في شرياني
حتي زرعتك ماتت من الصدمه
وجذورها لسه بتمرر أغصاني
حتي نقائك راح من البسمه
وأنوارك كمان هجرت مكاني
اللي بقت علي شفايفنا رسمه
ومبقاش حد غيرك يرعاني
ومبقاش ليها طعم اللقمه
لا في ريقي ولا في لساني
وراحت كمان أجمل لمه
مبقاش فيها روح ولا معاني
وهبك لينا طيبة ورحمه
واللي باقي ليا أفتكرك تاني
___________________________
………. حسن الشوان ……………
