بيت الأدباء والشعراء

بعت الدنيا علشانك

بعت الدنيا علشانك
وفضيت عليا حياتى إلا منك
فى أول أختيار نزعت جذرى من أرضك
طرحت قلبى من بين ضلوعك
جرحت روحى بسهام غدرك
مع أنى بعت الدنيا علشانك
بقالى سنين معرفش فى الدنيا غير عشقك
غلط لما روحى وحياتى بقت ملكك
وقلبى بقا مايعرفش غير دربك
سامحتك وبقولك الله يسامحك
بس مش هرجع تاني لألمك
أديني اللى بقى مني عَندك
وصدقنى مش هينفعك عنِدك
كبرت على اللى حمآك وصانك
وفى يوم هيقتلك أكيد كِبرك
وهتعرف أنى محدش قدى حبك
بس خلاص كرهت ظُلمك وجهلك
ومابقا جوايا منك غير ذكريات بِعتك
بعتنى بثمن بخس يااه من ظُلمك
هتمر أيام عجاف فى حياتى من بَعدك
بس هعيش وهكمل رغم بُعدك
وأدعيلك تشرب فى يوم من كاسك
عازف القيثاره
#محمود_مصطفى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: