بيت الأدباء والشعراء

ليه …؟

ليه …؟
شعر / سعاد سعد
ليه يا أمل نشفت
الدمع والننى
جوا القلوب عششت
جرحك مجننى
لا عشت يوم ولاشفت
ضحكايه من سنى
أشرب وبردوا عطشت
يا طريق بعيد عنى
من همهم ليه شبت
أبكى على بلوتى
حمل تقيل انا شلت
العمر راح منى
ليه يا عطش جففت
النبض والشرايين
قلبى البراح غيرت
نبضه انكسر وحزين
يا حظ قول ليه طشت
سوق الأمانى ضنين
كدا يا زمان همشت
الحب مش لاقيين
جوا القلوب حيرت
حن على العطشان
لا جيت فى يوم ولا روحت
بحرى ما لوش شطآن
من مره دقت غطست
صبح العدو فرحان
قلت فى يوم انا عشت
طلع السراب سجان
ليه يا ربيع العمر
بتبهت الألوان
الحلم لسه رضيع
تايه مالوش عنوان
يا مغنواتى قول
ورد على الكروان
إشجى وسمعنا
دا الملك للرحمن
قولك طرح معنى
ما فى شئ هيمنعنا
يا مراكبى دور بينا
وبسرعة رجعنا
وصلنا للمرسى
يمكن فى يوم نرسي
على جنة الرضوان
والروح تطيب تنسي
يا قلبى يوم هتطيب
يوم ما التقيك يا نصيب
نادرين على صبرى
لو حظى مرة يصيب
عمرى يبات فرحان
هشرب وأملا الطشت
واسقى ليالى زمان
وأرقص واقول انا عشت

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: