Uncategorized

رجعت لك طيب وبعدين

رجعتلك طيب وبعدين
فوزي حشيش
٢٣.٣/ ٩/٢/٢٠/ر
==========
عالهامش انا حبييك
ياللي مالكش حبيب
رجعت لك
وجمبك كنت قريب
وكتبتلك وقولتلك
وبحتلك باللي في قلبي
وسمعتني وسَمعتلك
وبعدها كتبت
كله قسمه ونصيب
النصيب ما يعيب
لوكان َمش حجه تهرب
وبكره اللي سقتني منه
ياحبيبي. راح تشرب
ماهو زمن دوار
يخبط على كل دار
يجبلك اللي عملته
لو كأس ميه
أو جمرة نار
وخليني بعيد
ما دمت عالهامش
تضرب ضربتك
ولا جفن ليك رامش

قاعد في حالة سكون
وبقت عندي عاده
اكتب كلمه تونسني
وكلمة تتعسني
واعدل الهمزه
وعارف اني ليك
ما ليه لزمه
واحتار هي آلالف شمسيه
ولا قمريه
ولا زيك ليها الف حاله
تحب كل الحروف للثماله
ولقيت الحيطه بتبص
قلتلها خسيت النص
والحمدلله ماردت
ولا همست بكلمه ولا نص
ماهو عادي اكلم الحيطه
بس لو ردت
حلبس عباية المجانين
واسلم نفسي
من غير عويل وانين
واقعد في عنبر
” مجانين بدون عناوين”
وافتكر كلام صدقته
واشوف عمايلك أتعجب
ياللي لأي حد تعجب
بس ياترى كام واحد
بعدي اتعذب

عالهامش انا حبييك
ياللي مالكش حبيب
رجعت لك
وجمبك قريب
وكتبتلك وقولتلك
وبحتلك باللي في قلبي
وسمعتني وسَمعتلك
وبعدها كتبت
كله قسمه ونصيب
(والله ليس لها أي إسقاط على أرض واقع… مجرد حروف بالعاميه منثوره)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *