بيت الأدباء والشعراء

انا حنتحر فوزي حشيش

انا حنتحر
فوزي حشيش
٢٣٥٠/ ٨/٢/٢٠٢٠/خ
==========
ركبت التكتك
وقولتله اطفي المهرجانات
قالي يابا زمنك رااااااح
أللي زيك مات
المهرجانات اخدت مليون اعجاب
وما تتكلم كتير
ولا تقول ليه
ولا تحكي اسباب
مش عاجبك انزل
لا اخلي يومك هباب
نزلت ومش مصدق
أربعين مليون اعجاب
ليه حق دا يوم اسود
يوم هباب
روحت مغموم مش مصدق
اتفرجت على حكايه
واخدت القاضيه
وكانت النهايه
عمر أديب قال حصل
والخبر لكل العالم وصل
نزلت رجلي من على رجلي
وجاتلي ازمه قلبيه
وضفط الدم علي
و دقاته مش لاحقها
مني بتجري
قال مكانش عاجبني عدويه
ولا الغنوه الشعبيه
أديت ١٠٠ جنيه لبهيه
وقولتلها صوتي يا وليه
رقعت بالصوت الحياني
وان اعيط واقول اه ياااني
وبصت لي بهيه
وسئلت فين الميت يابيه؟؟!
قولتلها ايه
اتصدمت ما السؤال
ورديت كأني بقول
من الحزين موال
المهرجانات اخدت مليون إعجاب
ضحكت الوليه وسخسخت
قولتلها مالك
ردت وقالت رقصت على الاغنيه
حلوه واندلعت عليها أدام الافنديه
وحزمتني بالحجاب
ورقصت زي الافنديه
وقالتلي كده احسن
بلاها أم كلثوم
يافندي فات الميعاد
اصبغ شعرك احمر
وأجر عواد
وبنطلون وسط ساقط
وكوتشي من غير شراب
وهز وسط كده كده
وماعليك دعوه بده واده
وعيش زمن المهرجانات

ركبت التكتك
وقولتله اطفي المهرجانات
قالي يابا زمنك راح
أللي زيك مات
المهرجانات اخدت مليون اعجاب
وما تتكلم كتير
ولا تقول ليه
ولا تحكي اسباب
مش عاجبك انزل
لا اخلي يومك هباب
وعديت قولت ادور عليه
حوده الدلوعه
كلمته مسموعه
قولتله فين الغرزه
هاتلي تعميرة حشيش
قال ياخبر اسود
ليك مفيش
الافندي حيدخن حشيش
ليه
رديت وقلت
ماهو زمن المهرجانات
رص الحجر وانفخ
وانا حسحب
وما تقولييش مفيش
لا حولع في عيلتي
وادخنها
ما انا
فوزي حشيش
ياولااااااد الكلب
ياولاد المهرجنات
ويحبكها ويقولك
مقام الصبا والنهاوند
ودق عالساكت
وكمان افهمها
دي كلها حكم
دي كلها ايات
اه اه اه
ياولاد الكلب
ياولاد المهرجانات
انا حنتحر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: