لسه فاكره أني حبيبك

لسه فاكره أني حبيبك
وعن أحوالي بتسألي
وتقولي رضيتي بنصيبك
وفيا مابتفكري
وأني كنت سبب تعذيبك
وقررتي ليا تهجري
وكنت حسه أني هسيبك
وعمرك معايا ماتعمري
ومش ممكن يوم أسألك
أو تسمعيني وتعزري
وسمعتي كلام عزالك
ونسيتي أنك فى قلبي
مين اللي غير أفكارك
ونسيتي أشواقي وسهري
وأني كنت ساكن فى قلبك
وفى قلبك بنيت قصري
لاجل ماأشعر بنبضك
كنت فى سمايا قمري
عمري ماكنت حبيبك
ولا يوم شغلك أشواقي
ولا سمعت نبض قلبك
ولا بعذابي بتتأثري
ويوم ماجالك فرصتك
قررت أنك تهجري
وبعد ما كسر بخاطرك
بتقولي رضيتي بقدري
وأني مش قادر على بعدك
وعن أحوالي وتسألي
اللي هجرك وقت شوقك
عمرك فيه ماتفكري
من وقتها وأنا نسيتك
روحي لقدرك واصبري
(((أسامه جديانه)))