علي الساحل

على الساحل
،
على الساحل
لمحت سفينة بتقرب
ورمل الشط مستغرب
ونبض القلب صار نغمات
،
قلت استني واجرب
بلاش اجري وبلاش اهرب
ومنها لقيت ملاك قرب
وقال سلامات
،
انا رديت سلامه
وجسدي متكهرب
ندهني وقال تعالى اشرب
شهد الحب بالنظرات
،
ندهني الشعر قال اكتب
عن الاحساس
قال عبر بلاش تكدب
لقيت الحبر فيه بركات
،
تاه الحرف من عقلي
وكنت فاكرني متدرب
وشاعر ليه كلام يعجب
شباب وبنات
،
لقيتني في روضة طفل صغير
وكل علامي القرآن فقط مذهب
ومحصولي ياناس حكايات
،
لمحت الشمس بتغرب
وجهل العقل بيشطب
ونجم الليل بيوحيني
بثبات وسكات
،
لقيت هندامي مترتب
وإيد على خدي بتطبطب
ورمش عيون بيقتل
كل خوف و آهات
،
ملاك من صنع رب كريم
رماني بسهم متصوب
دخل عالقلب طوالي
بدون همسة
وبدون حوارات

صبري شومان