بيت الأدباء والشعراء

هديتي في. عيد ميبادي

Sea Yasean
دقيقة واحدة ·
فوزي بسام
2212
9/9/2019
========
هديتي في عيد ميلادك
مجرد حروف معطره
“عيد ميلاد سعيد
للي زي ابني
أوابني”
=======
عيد ميلاد سعيد
أقولها لمين وهوبعيد
أقولها ازاي ولمين
وانا كلي أمل وحنين
اني أحضر فرحته
اني أرسمله بسمته
اني ابوس جبهته
وأقوله عيد ميلاد سعيد
ما هو زي ابني أو ابني
وفرحتي أني
أشوف في عنيه فرحه
ويوم ألبس لعروسته طرحه
وازفه في يوم كله فرحه
=======
شايفه فرحان
مفروشله فل وريحان
وشموع منقاده
وهديته قلاده
مكتوب عليها
عيد ميلاد سعيد
بتمنالك عمر مديد
وكل يوم جديد
حلم جديد
حلم بأمل في بكره
وتقول اللهم أمين
تجري السنين
وأشوفه عريس جميل
تبصله الفتيه وتميل
ويبقي جمبي ساكن
ولوأنه بجد
في قلبي ساكن
وهوفي ساكن
بشعرله بحنين
واقول يا مين
يوصله سلامي ويميل
عليه يقوله:
عيد ميلاد سعيد
وانا كلي امل وحنين
بقول يارب امين
ديما في كل عام جديد
حلم جديد
يخليه يفرح
يخليه في حبيبه يسرح
وخلي الناس كلها تعرف
انه ابني !!!!!؟
او زي ابني وتفرح
=========
عيد ميلاد سعيد
أقولها لمين وهوبعيد
أقولها ازاي ولمين
وانا كلي أمل وحنين
اني أحضر فرحته
اني أرسمله بسمته
اني ابوس جبهته
وأقوله عيد ميلاد سعيد
========
وشايف من بعيد
في عينه فرحه
منواراها شموع
وحاسس انا بفرحه ليه
بس في عنيه شويه دموع
===============
ويلاعن ظهر غيب من بعيد
نطفي الشموع
ونقوله عيد ميلاد سعيد
وابوسه من جبهته
وأفرح لفرحته
=========
عن ظهر غيب
==========
(غير مقصوده لاي احد عيد ميلاده اليوم أنا بس سرحت شويه وكتبتها وانا بتمناها لحد في خيالي
بس ياخساره مش في واقعي
وهي في خيالي بس)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: