بيت الأدباء والشعراء

وصايا الخال5

نبيل عبد الحليم.

(وصايا الخال 5 )
ياليلى ياعينى ياعينى ياليل
فرحان ياخال وبتغنى بالموال
قطعت بينى وبين
مراتى الوصال
صبرى نفد من
كتر ماطال
وحالى ماخطرلك
على بال
اسمعنى يابنى
كفايا كتاباتك وشعرك
فيها بتحكى مواجعك
سنين داير على
حل شعرك
لا عجبنى حالك
ولا نافع أمرك
مراتك يابنى إحتويها
أم عيالك راعيها
حبيبك النبى وصا عليها
اكلت لحمها
وجاى النهاردة ترميها
عانت فى فقرك ومرك
جاى النهارد تكافيها
حب اية
جاى النهاردة تحب عليها
الحياة صعبة
والراجل اللى يجاريها
هو اية حلو فى حياتك
عملتو ليها
هيا اولى بالغزل
والشعر فيها
بلاش مظهرة
بلاش مسخرة
العيشة صعبة
يابنى انت حس بيها
بينكم ولاد لما تقسوا
قولى ميين يراعيها
جرب كلامى
واللى تقولو للحريم
قولو ليها
اسهر معاها واغمرها
بالحنان وحاكيها
تشم ريحة مسكها لما تتوسد إيديها
الحريم صاحبة مشاعر
لو نلتها تدفى بيها
راعى مراتك
ووقت الزعل
أبقى واسيها
سلام يابن أختى
يابخت مالك من دون البخوت لبخت
الناس مشت فى الطين
ما لبخت
وانا مشيت فى النشف
لبخت
اتفضل ياخال
تعالى ياخال
حاضر يابنتى
صباحك ياخال
وحشونى العيال
وصبرى لبعدهم طال
لا نوم بيحينى
ودمع العيون سال
قولى كيف العيال ياخال
ما تخافى عيالك فى ألامان
كلامك صحيح
باين انا اللى بختى مال
إسمعينى يابنتى
أنا لما جبتك ما كنت
ناوى أقطع وصال
لما زرتك مش عاجبنى
فيكى حال
لية هاجرة زوجك
لية تدلعى لما يعوزك
لية يابنتى مكشرة
ولاوية بوزك
كل اللى نالة من حضرتك
هو نشوذك
الراجل يابنتى
حملة تقيل
عايز اللى معاة يشيل
العيشة صعبة
تهد الحيل
والهم جارف
زى السيل
إفطنى بلاش مواويل
قاعدة ع الفيس بالساعات
تتواصلى بكل الجهات
كل يوم عاملة حكايات
زوجك يابنتى عندة مشاعر
بكل شيء منك شاعر
لزوجك يابنتى إحتوية
راضى مشاعرة وراضية
عند غضبة إحتوية
حتة عجين بين ايديكى شكلية
كلك حنان لية من حنانك تحرمية
إرحمية لية تبقى إنتى والزمن جايرين علية
الوحيد فى الدنيا دى
هو اللي ليكى
إتعاملى معاة ساعة حبيبك
ساعة اخوكى ساعة ابوكى
بيتك أولى من بيت أبوكى
ولا أنتى عاجبك حوجتك
لمرات أخوكى
سبحان اللة أعظم أجر
لما زوجك يصبر عليكى
يالة يابنتى لبيتك إرجعيلة
خلية يسامحك وأتأسفى لية
بكلمة حلوة معاها نظرة انتى راضية
مالك يابنتى تنظريلى
كدا لية
فيها اية لما زوجك تصالحية
احذرى تشيلى يوم عالى علية
خليكى سجنة لما يغضب
بين إ يديكى أحضنية
انتى ناسية لو فية سجود
لغير ربك
هو يكون أولى بية
إنتى ناسية لو إتعرى جسمك
أمام ابوكى تتسترى ساعتها فية
انتى ناسية إن الحبيب
فى سنتة وصا علية
قومى إجهزى عشان لجوزك تراضية
ملعون الشيطان وللحبيب صلى علية
صلى اللة علية وسلم ياخال
لو كان ما تحلفشى ياخال
كنت سقيتة المرار
يابنت مش ع يخيل
عليا الكلام
نبيل عبد الحليم
5/7/2020

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: