عشگ الحمام
***********
ياليلي نفس الليل
…………………….. نجماتي جَنّي
شايفهن من إصباي
…………………… ورداتي يمّي
اتنوعت ملگيت
……………………. يا وردي غايب
ياروحي بسّچ لوم
…………………….. إلمن تشمّي!!!!
وثاري العمر مبيوگ
…………………. واشجاري ذبلت
أحضن خريفي ينوح
…………………….. ورگاتي همّي
عشگ الحمام وياه
……………….. ..چذب آنه انساه
ينبض بنص الروح
…………………يمشي ويَ دمّي
ومحبوبي طير وطار
…………………….جنت آنه عشه
جار الزمان وياي
……………………..أبعدَهَ عنّي
ياغيمه روحي هناك
…………………….وصلي سلامي
زخّيله حيل إدموع
…………………..واشكيلهَ غمّي

الشاعر المهندس سعيد الزيدي
العراق-بغداد. 4-8-2018

ربما تحتوي الصورة على: ‏‏شخص واحد‏، و‏‏‏لقطة قريبة‏ و‏منظر داخلي‏‏‏‏