كلمتين مش وبس ،،،

عفواً يانساء الموضة…ولكنها الحقيقة

…………………………………

بقلم : المهندس إيهاب رزق

اول عقاب من ربنا لسيدنا آدم نتيجة عصيانه وأكله من الشجرة .. مكنش هو الخروج من الجنة ٠ زي ماحنا فاكرين ! !
اول عقاب لسيدنا آدم كان هو نزع الستر عنه هو وستنا حواء ٠ إقرأ قوله تعالي
( فأكلا منها فبدت لهما سوآتهما و طفقا يخصفان عليهما من ورق الجنة “

  • نزع الستر وكشف العورة كان أهم و اول و اكبر دليل على غضب ربنا عليهم في الوقت ده. … وكان أول درس مباشر لهم ٠

و الشيئ المدهش في الاية .. هو الفطرة اللي اتخلق عليها سيدنا ادم ٠ واحنا من بعده …
بمعنى إيه ؟
بمعني انه لما بدت سوآتهما و انكشفت عوراتهما مسابوش نفسهم كدة ٠ و كأن الموضوع عادي خالص …
لا ده في نفس اللحظة دي اللي كان شغلهم قوي ٠ هوَّ إزاي يداروا العورة دي ٠ و يغطوها ٠
رغم ان مفيش اي مخلوق في الجنة و الدنيا كلها الا هما الاتنين بس ٠ يعني مفيش حد تاني شايفهم ٠ لان ربنا كان لسه ماخلقش اي حد تاني
يعني ماحدش تاني شايفهم ٠ وأول حاجة فكروا فيها و شغلت تفكيرهم هو تغطية عوراتهما ٠
يا الله يا الله
تفهم من كدة إيه ؟ ؟ ؟
تفهم من كده ان اول علامات رضا ربنا عليك انه يسترك ٠
و اول علامة علي انك انسان سَوِي و كمان علي الفطرة اللي ربنا خلقنا عليها ٠ هي انك تسعى للستر
انما اللي ربنا بغضب عليها و بينزع عنها ستره
و تكشف عوراتها وتستباحها امام كل الناس دي ٠
لازم تعرف و تتاكد انها بترجع بنفسها تاني للحيوانية ليه ؟ ٠
لأن البهيمة والحيوان والدابة هي اللي بتكون عورتها مكشوفة للجميع. ٠
و يجب ان تعرف انها لا يمكن ابداً ان تكون قد ارتقت لرتبة الانسان ٠
( يا رب تكون وصلت )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *