في شــــرع مين؟!شعر/ محمد توفيق

محمد يوسف توفيق

عضو جديد · ٤ دقائق · tagإضافة موضوعات

في شــــرع مين؟!

————-.

في شرع مين يا بشر في شرع مين؟!

تنقتل قلوب نقية مؤمنه بإيد حثالة ملثمين

لا يفرقوا بين اليهود وبين نصارى ومسلمين

في شرع مين يابشر في شرع مين؟!

—————.

في شرع مين راية بلدنا يصبغوها

بدم فادي وصفاء ودم نسيم

وبحرقة يكوينا الآنين

ويصرخ النيل الحزين

وينعي كل العالمين

لمذبحة دير صموئيل

في شرع مين؟!

————-.

في أي ملة وأي دين

يدبحونا بدم بارد

والعجايب؟!!!

بيكبروا بسم الكريم

شلة عصابة مجرمين

من كل رقعة مطرودين

وعلي أرضنا متجمعين

بس مثواهم جهنم أجمعين

وده مصير المجرمين

في شرع مين يابشر في شرع مين؟!

—————.

كل الحثالة إتجمعت هناك بداعش

إن كانوا قاعدة

أو حماس

أو حتى أخوان مسلمين

كل الطغاة متجمعين

تنشر سمومها وحقدها

ما بين صفوف العالمين

قولولىّ بس في شرع مين؟!

في شرع مين يابشر في شرع مين

—————.

رسولنا كان رحمة وأمان

رسولنا كان إسمه الآمين

نشر المحبة والسلام

نشر الأمان للعالمين

في فتح مكة عفو كامل

وكان كريم أبن كريم

وصانا بإخوانا النصارى

وبالتسامح والمحبة مكملين

لا عمره يوم حمل السلاح

الا دفاع للمظلومين

شلة عصابة كذابين

شلة حثالة ملثمين

لو فكروا يؤذوا بلادنا

هيلاقوا جيش من أبابيل

مسلم مسيحي مستنظرين

نصب لعنتنا عليهم

والموت مصير المارقين

وهو ده شرع الكريم

——————.

شعر/ محمد توفيق

مصر- بورسعيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *