( عهد النور )

سامحينا
ياعهد النور
يانبض الأمل لينا
ياغيط زيتون
ياوخذ الضمير فينا
في ليل ملعون
يانايمه ف نني م المغرب
ياحلم العمر
يانسمه وجايه من يثرب
وشايله الطهر
ليه جيتي في زمان العهر
عشان الفرقه لضمانا
ووخدانا لخصامنا
وعلت سور
ختمنا بخسه وبصمنا
وبيعنا النور

يعقوب في توب العرب
يابو الكرام أنبيا
العدل هج وهرب
وسابنا ليه أغبيا

والجهل بينا انكتب
والدم سال أوديه
عقولنا صابها العطب
وبنكره ….. الأوليا

عشنا زمن العجب
جهادنا …… بالأدعيه
كسرنا سيف الغضب
داسونا ….. بالأحذيه

نسينا درس الخيانه
يوسف وسره العجيب
رضينا ليه بالمهانه
سيبنا الغزاله لديب

ياست يام العواجز
يام الدعا فدادين
هدينا ميت حاجز
بسيف صلاح الدين
والحاجز اللي اتبنى
مابين غزه وبين حطين
مربوط عليه العمل
والبنت جالها العدل
بس الحرس مانعين
قوليلي إيه العمل
والنخوه راحت فين
إمتى الضمير ينعدل
والنخل يطرح تين

والنخل يطرح تين
_____________
بقلمي الفلاح الفصيح
معوض حلمي
منشأة بطاش
تمي الأمديد
دقهلية