عابر سبيل

إنتي عارفة إني شاعر صنعته
حبك الكلام
وإن مهما الليل ينام بين جفوني
قلبي صاحي
بيغزل الأحلام حرير
وإن نبضي المستجير
من هجومك ف الوريد
ف الحقيقة زاد جراحي
لما زاد النبض نبضة
وإنه حالف مش هيرضى
مهما طال الوصل بينا
باحتلالك
وإنه عارف
إن عمر الشوق قصيدة
واحتلالك للمشاعر
يغزله شوية حروف
طير ويوم ما الشمس تطلع
تلقي روحي
لما شقت ليل ببوحها
كان عطش عابر سبيل .

ربما تحتوي الصورة على: ‏‏‏‎Mohamed Elbanna‎‏‏، و‏‏لقطة قريبة‏‏‏