سيل التسامح / بقلم عادل عبد الموجود

سيل التسامح
……
علمتنى التجربة
الف معنى للتسامح
بس برضه علمتنى
فيه ضرورة الغضب
وان فى سيل التسامح
يبقى نقمة ع البشر
يعنى ايه كل اللى يغلط
ننسى ونقول المسامحة
يومها تتكرر بجاحته
غلطة جاية وغيرها رايحة
واللى مايهابشى العقوبة
ساء فى أدبه وقل خيره
ينسب المعروف لنفسه
رغم انه فعل غيره
واللى يغلط غصب عنه
يبقى لازم يعتذر
واللى بيفرط فى حقه
وجوة نفسه يفتكر
انت طيب يبقى واهم
ربنا قال الخلايق :
لجل ما اغفر يبقى توب
وانوى تتبرأ لربك الف مرة م الذنوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *