شعر

سايق عليك الدجل—–زجل د/صبرى إسماعيل

سايق عليك الدجل—–زجل د/صبرى إسماعيل
*********
سايق عليك الدجل انخع وقول حكايات
نملة دراعها اتخلع والفيل دخل فى بيات
والنخلة صاحبت ودع والفرخة قلبت ديك
والتاكسى طار فى السما والباخرة بفلنكات
********
سايق عليك الدجل عايز حمام محشى
وفراخ وكفته وكباب مع صلصة بالطورشى
وعن الهزال يبعدك ومن الدجل يشفيك
واللى يعاديك يتهطل وبالهبل يمشى
********
سايق عليك الدجل تكدب علينا كتير
عقلك وواخد أجازة بحقنة التخدير
ع الزيرو مين شغلّه قلتو عليه اتلط
ومدد ياعم المخاوى صبحت م المشاهير
*******
سايق عليك الدجل الصورة وضحت قووى
مع ان سوق الدجل له الف مين مشترى
لسّاك مصمم كتيير و العقل فى التوهة
لمّا يصحصح هتعرف- إنّك المُفترى

عصام سعد زغلول

حاليا مدير تنفيذي جريدة الجمهور العربي __ الموقع الألكتروني والجريدة الورقية والبرنامج المرئي والصفحة الأدبية بيت الأدباء و الشعراء.
كاتب ومحرر في عدة جرائد مصرية ورقية
مؤلف قصة وشاعر وكاتب صحفي في عدة مواقع ومجلات وصفحات الكترونية كمثال (جريدة الجمهورية اون لاين)(جريدة الجمهور العربي).

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *