بقلمي  احمدعبدالله الاسيوطي  فين الحب  ——— 

بقلمي 
احمدعبدالله الاسيوطي 
فين الحب 
——— 
فين الحب وفين الغيرة 
أهل زمان فرشتها حصيرة
بس الاخلاص كان جواهم
كانوا عارفين ايه معنى الجيرة

كنا جيران من عشرة طويلة 
وما كناش بندبر حيلة 
نأذى واحد غلبان وف حاله 
كنا نشيل مع بعض الشيلة

كنا اصحاب واخوات وحبايب 
كنا نشيل للغايب نايب 
واما الواحد فينا بيغلط 
بدموع عينه يقول انا تايب

ليه دلوقتي الكل اتغير 
وانا ف أمور الناس متحير 
ماسكين ف الدنيا الكدابة 
فوقوا يا ناس دا العمر قصير

جواكم خير ليه دافنينه 
تايهين ليه عنه وناسيينه 
ماسكين ف الحبل من الاخر 
طب والاول ليه سايبينه

اللى مالوش اول ف حياته 
يفضل تايه وسط اخواته 
بيدور على اي طريق 
هيكون عدى الوقت وفاته

ربما تحتوي الصورة على: ‏‏‏شخص أو أكثر‏ و‏أشخاص يجلسون‏‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *