الرئيسية

بتخاف لو سحبت من إيدك/#عادل_عوف

بتخاف لو سحبت من إيدك
إيديها ومشيت غضبانه
الدنيا إن حبت تديلك تفضل علشانك سهرانه
وتخاف على قلبك ومشاعرك
وتحايل فيك وفى إحساسك
تفضل تستنى وتسمعلك
وتحقق كل اللى فى راسك
تديلك بس اللي يليق بك
ولاتقسى عليك يوم وضيق بك
الدنيا إن حبت يوم ترضيك
بتحبب فيك أهلى وناسك
الدنيا دى ناس والناس دنيا كرباح الوحده دا جلادك
انا عمري ماقولت حياه تانيه
انا عايش مبسوط فى ريحابك
متهنى و راضى ومتقدر
وحياتي معاك دايبه فى سكر
صدقنى لا يمكن يوم اقدر
علي دمع عيونك وعتابك
متعلق ضعفك فى دراعى
ودموعك ديما تتشطر
لو تاهوا جيوشى وأتباعى
انا هكسب بيك ولا يوم اخسر
يا أميرة لقلبى وأوطانى
بشتاقلك وإنتى فى أحضانى
الدنيا علشانك ضمانى
مش عايز انا من اكتر
من حبة ثقة دايبين فى الوعد
هنكمل بيهم مشوارنا
على قد الحب نكمل بعض
ولا حد هيقدر يكسرنا
#لما_حبيبك_يبقى_الدنيا
#عادل_عوف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *