اب في دار المسنين وصلته دعوة فرح ابنه متأخره يومين عن ميعاد الفرح اخر المعازيم

مبروك يا حبيبي فرحك كان نفسي اكون معاك

اشوف ضحكة عيونك واخرج كده من سكات

كان نفسي اشوف ضنايا وعروسته بقت معاه

وانسي انه في يوم رماني واسامح ع اللي فات

جوابك لما وصلني حسيت احساس غريب

حاسيت دعوااتي وصلت وربي حيستجيب

لاقيتها دعوه عامه بتاريخ غير التاريخ

بتقولي فرحي عدي واسف للتأخير

خايف اخرج واروحلك نسيت اني سجين

ومفتاح خروجي عندك ورميته من سنين

حبيبي انت نسيتني ولا عامل ناسيني

معلش حتفرق عندي لما حلمك يجيني

عايش علي ذكرياتك صورتك دايما قصادي

وانت بتبكي في حضني وامسح دمعك

بأيدي بحكي لزمايلي عنك وبقول عنك كتير

كلام كان نفسي يحصل بكدب علي نفسي بيه

بخاف اقول حقيقتك اجرح ياحبيبي فيك

مع ان الجرح جرحك ودموعي هانت عليك

ساعات بقول لنفسي طب بعت الدعوه ليه

وليه بيقلب مواجع عايشها من سنين

عارف ياحبيبي اني لسه في قلبك

بعيش وانك ندمان عليا وانك مبتنسانيش

صحيح الدعوه وصلت بعد الفرحه بيومين

لكن فرحي عشانك ضحك قلبي الحزين

ورضيت اكون معاك وانت عني بعيد

ورضيت اكون ابوك واخر المعازيم

اخر المعازيم

دار المسنين