إكشف ياطبيب 
على قلبى يطيب
أعصابو بتسيب
فيه دق غريب
إعمل معروف 
زيح عنو الخوف
نجمو مكشوف
قوم بص وشوف
وضح وحياتك
…… عرفنى
ليه الأيامدى
…… مقريفنى
طول عمرى طبعى
طويل البال
هادى وفكافة
….. الأحوال
ولا بحقد أبدا
…. ولا بكره
ولاحتى بخاف
م الجاى بكره
ولاخلقى منى
ساعات بيضيق
وعدوى كأنى
بشوفو صديق
دمى مش ممكن
….. يتعكر
ولا بشغل بالى
… ولا افكر
وبقول ليناير
…. إسبقنى
جايلك فبراير
…. يلحقنى
ومقولش ليوليو
…. إستنى
أنا عشمى أدخل
…… الجنه
إكشف ياطبيب
على قلبى يطيب
أعصابو بتسيب
فيه دق غريب
منير خاطر